Fire Prevention Checklist sa Bahay

---

“Saglit lang naman ’yan.”

“Mamaya ko na huhugutin.”

“Okay pa naman ’yan.”

Ilan sa atin ang nakapagsabi na ng mga linyang ’yan?

Baka akala mo maliit na bagay lang… pero dito nagsisimula ang malaking problema.

Ang totoo, maraming sunog ang nagsisimula sa mga bagay na ginagawa natin araw-araw. Sa aming pananaliksik, ibinahagi ng mga bumberong aming nakapanayam na ang mga problemang may kaugnayan sa kuryente ay isa sa mga karaniwang sanhi ng mga sunog na kanilang narerespondehan.

Ang magandang balita? Marami sa mga ito ay puwedeng maiwasan.

Narito ang ilang simpleng paalala na maaaring makatulong na mapanatiling ligtas ang inyong tahanan:

Bakit ito mahalagang iwasan?

Ayon sa Bureau of Fire Protection (BFP), ang overloading, sirang electrical connections, at mga depektibong appliances ay ilan sa mga maaaring pagmulan ng sunog. Kaya kung tapos ka nang gumamit ng charger o appliance, ugaliing tanggalin ito sa saksakan.

Ilang segundo lang ang kailangan para gawin ito, pero maaari itong makatulong na mabawasan ang panganib ng sunog.

Bukod sa jumper o illegal wiring, iwasan din ang “octopus connection” o ang pagsasaksak ng napakaraming appliances sa iisang extension cord dahil maaari itong magdulot ng overloading.

Bakit ito mahalagang iwasan?

Ang isang sirang koneksyon ay hindi lang panganib sa isang bahay. Kapag nagsimula ang apoy, maaari itong mabilis na kumalat sa mga katabing bahay, lalo na sa mga komunidad na dikit-dikit ang mga kabahayan.

Kung maaari, gumamit ng maayos at ligtas na electrical installation. Mas mahalaga pa rin ang kaligtasan ng inyong pamilya kaysa sa pansamantalang solusyon.

Bakit ito mahalaga?

Minsan, nagbibigay na ng babala ang ating bahay bago pa magkaroon ng sunog. Ayon sa BFP, ang mga sirang wiring, maluwag na saksakan, at umiinit na wire, plug, o outlet ay ilan sa mga senyales na hindi dapat balewalain dahil maaari itong humantong sa sunog.

Mas mabuting ipa-check ito nang maaga kaysa hintaying magkaroon ng emergency.

Bakit ito mahalaga?

Kung maliit pa lamang ang apoy at ligtas itong lapitan, maaaring makatulong ang fire extinguisher upang hindi agad kumalat ang apoy.

Pero tandaan: kung lumalaki na ang apoy, makapal na ang usok, o hindi mo na ito kayang kontrolin, huwag nang subukang patayin mag-isa. Mas mahalaga ang buhay kaysa sa mga gamit. Lumikas agad at tumawag sa mga bumbero.

Iba Pang Mga Paalala sa Fire Prevention

Hindi lang apat ang paraan para makaiwas sa sunog. Pinili naming bigyang-diin ang mga paalalang nasa itaas dahil ito ang mga pinakanaaangkop sa aming video at sa mga natuklasan sa aming pananaliksik. Narito pa ang ilan pang opisyal na paalala mula sa Bureau of Fire Protection (BFP):

Ang fire safety ay hindi lang responsibilidad ng mga bumbero. Nagsisimula ito sa ating sariling tahanan.

Maraming tao ang nag-iisip tungkol sa fire safety kapag may usok na o may naririnig nang sirena. Pero sa totoo lang, nagsisimula ito sa mga simpleng desisyong ginagawa natin araw-araw.

Ang paghugot ng charger.

Ang pagpapasuri ng sirang wiring.

Ang pag-iwas sa illegal wiring.

Ang pagbabantay sa niluluto.

At ang paghahanda bago pa magkaroon ng emergency.

Hindi nito kayang maiwasan ang lahat ng sunog, pero malaki ang maitutulong ng mga simpleng pag-iingat upang mabawasan ang panganib at maprotektahan ang inyong pamilya, tahanan, at komunidad.